फळे व भाजीपाला आधारित प्रक्रिया उद्योग उभारण्याचे आवाहन – डॉ. शिरगुरे

विकसित कृषि संकल्प अभियानाच्या १३व्या दिवसाच्या निमित्ताने प्रधान शास्त्रज्ञ डॉ. शिरगुरे यांनी शेतकऱ्यांना फळे व भाजीपाला आधारित प्रक्रिया उद्योग उभारण्याचे आवाहन केले. त्यांनी सांगितले की, शेतीपूरक व्यवसाय म्हणून प्रक्रिया उद्योग हा शेतकऱ्यांसाठी आर्थिक स्थैर्य आणि रोजगार निर्मितीचा प्रभावी पर्याय ठरू शकतो.

प्रक्रिया उद्योगाचे महत्त्व -भारत हा कृषीप्रधान देश असून, शेती उत्पादनाचे मोठ्या प्रमाणावर नुकसान होते. काढणीपश्चात तंत्रज्ञानाच्या अभावामुळे दरवर्षी २५% शेतमालाची नासाडी होते. यावर उपाय म्हणून फळे व भाजीपाला प्रक्रिया उद्योग उभारल्यास शेतमालाचे मूल्यवर्धन होऊन शेतकऱ्यांना अधिक नफा मिळू शकतो.

उद्योगासाठी उपलब्ध संधी - डॉ. शिरगुरे यांनी स्पष्ट केले की, फळांपासून रस, जॅम, स्क्वॅश, तसेच भाजीपाल्याच्या निर्जलीकरणाचे तंत्रज्ञान उपलब्ध आहे. याशिवाय सोयाबीन दूध, पावडर, लोणची, मुरंबा, वेफर्स, फरसाण यांसारख्या प्रक्रिया उत्पादने तयार करून स्थानीय तसेच आंतरराष्ट्रीय बाजारपेठेत विक्री करता येऊ शकते.

कृषी तज्ज्ञांची उपस्थिती - या कार्यक्रमात कृषी तज्ज्ञ आणि शेतकऱ्यांची मोठी उपस्थिती होती. यामध्ये राष्ट्रीय डाळिंब संशोधन संस्था, सोलापूरचे श्री. राहुल डमाळे, ऊस संशोधन संस्था, प्रवरानगरचे डॉ. थोरात व डॉ. बोरसे, कापूस संशोधन केंद्र, नांदेडचे डॉ. भेदे, तसेच कृषी विज्ञान केंद्राचे डॉ. प्रविण चव्हाण, डॉ. संतोष चव्हाण, डॉ. कृष्णा अंभुरे आणि श्री. बालाजी चंदापुरे हे तज्ज्ञ उपस्थित होते.

कार्यक्रमाची ठिकाणे -आजचे कार्यक्रम कंधार तालुक्यातील हळदा, औरळा, वंजारवाडी, गगनबिड, बेजावाडी व शेकापुर या गावांमध्ये पार पडले. याठिकाणी शेतकऱ्यांनी मोठ्या संख्येने सहभाग घेतला आणि तज्ज्ञांच्या मार्गदर्शनाचा लाभ घेतला.

शेतकऱ्यांसाठी मार्गदर्शन आणि योजना

भारत सरकारच्या कृषी आणि उद्यानिकी विभागाच्या विविध योजनांद्वारे शेतकऱ्यांना प्रक्रिया उद्योग उभारण्यासाठी आर्थिक आणि तांत्रिक मदत मिळू शकते. ग्राम पातळीवर प्रक्रिया उद्योग स्थापन करण्यासाठी तरुणांनी पुढे यावे, असे आवाहन करण्यात आले.

शेतीला पूरक व्यवसायाची गरज -डॉ. शिरगुरे यांनी सांगितले की, शेतीला जोडधंदा म्हणून प्रक्रिया उद्योग हा सर्वोत्तम पर्याय आहे. शेतीमालाचे योग्य पॅकिंग आणि गुणवत्ता नियंत्रण केल्यास भारतीय उत्पादने जागतिक बाजारपेठेत पोहोचू शकतात.

शेतकऱ्यांनी पुढे यावे - विकसित कृषि संकल्प अभियानाच्या १३व्या दिवसाच्या निमित्ताने शेतकऱ्यांनी प्रक्रिया उद्योग उभारण्याच्या संधींचा लाभ घ्यावा, असे आवाहन करण्यात आले. यामुळे ग्रामीण भागात रोजगार निर्मिती होऊन आर्थिक विकासाला चालना मिळेल.

शेतकऱ्यांनी आधुनिक तंत्रज्ञानाचा वापर करून प्रक्रिया उद्योगात सक्रिय सहभाग घ्यावा, असे आवाहन डॉ. शिरगुरे यांनी केले. #ViksitKrishiAbhiyan #ViksitKrishi #ICAR #agriculture #ViksitKrishiAbhiyan #viksitkrishiabhiyan #viksitkrishiabhiyan2025 #viksit_krishi_abhiyan #kvksagroli #KrishiVigyanKendra #agriculture #farmer #farming #ataripune Narendra Modi Shivraj Singh Chouhan