खेत बचाओ अभियान -लोहगाव

खेत बचाओ अभियान -लोहगाव

खेत बचाओ अभियान- संस्कृति संवर्धन मंडळ, कृषि विज्ञान केंद्र सगरोळी व कृषी विभाग यांच्या संयुक्त विद्यमाने खेत बचाव अभियान कार्यक्रमाचे आयोजन लोहगाव ता. बिलोली येथे करण्यात आले. कार्यक्रमादरम्यान डॉ. कृष्णा अंभुरे यांनी अल् निनोच्या संकटामुळे उद्भवू शकणाऱ्या परिस्थितीचा सामना कसा करावा, कमी कालावधीची पिके/वाण कोणते निवडावे आणि पावसाचा खंड पडल्यास काय उपाययोजना कराव्यात यावर प्रकाश टाकला. तसेच खतांचा संतुलित वापर, जैविक व हिरवळीची खते आणि सोयाबीन, तूर, हळद या प्रमुख पिकांच्या आधुनिक उत्पादन तंत्रज्ञानाची माहिती दिली.

डॉ. संतोष चव्हाण यांनी कमी पाण्यात फळबागांचे आणि भाजीपाल्याचे उत्तम नियोजन कसे करावे, याबद्दल शेतकऱ्यांना सविस्तर मार्गदर्शन केले. तालुका कृषी अधिकारी श्री. विवेक गुडूप यांनी खरीप पेरणीपूर्वी बियाणांची उगवण क्षमता तपासणे आणि बीज प्रक्रिया करूनच पेरणी करण्याचे आवाहन केले.

या महत्त्वपूर्ण प्रसंगी तालुका गुण नियंत्रण अधिकारी श्री. गिरी, आणि आत्मा बिलोलीचे श्री. कांबळे यांच्यासह परिसरातील अनेक प्रगतशील शेतकरी उपस्थित होते. #KhetBachaoAbhiyan #Shetkari #SmartFarming #KharifSeason #AgricultureIndia #NandedFarmers #KrishiVibhag #SanskritiSamvardhanMandal #KVK_Sagroli #खेतबचाओअभियान Icaratari Pune #ICAR Indian Council of Agricultural Research