दापशेड येथे 'दशपर्णी अर्क' निर्मिती प्रात्यक्षिक व शेतकरी कार्यशाळा संपन्न!

 दापशेड येथे 'दशपर्णी अर्क' निर्मिती प्रात्यक्षिक व शेतकरी कार्यशाळा संपन्न!

दापशेड येथे 'दशपर्णी अर्क' निर्मिती प्रात्यक्षिक व शेतकरी कार्यशाळा संपन्न!

खरीप हंगामाच्या पार्श्वभूमीवर लोहा तालुक्यातील दापशेड येथे 'आर्या नैसर्गिक शेतकरी गट' आणि 'कृषि विज्ञान केंद्र, सगरोळी' यांच्या संयुक्त विद्यमाने एक दिवसीय विशेष शेतकरी कार्यशाळेचे आयोजन करण्यात आले. कार्यक्रमात शेतकऱ्यांना नैसर्गिक शेती, जमिनीची सुपीकता आणि प्रत्यक्ष 'दशपर्णी अर्क' कसा तयार करावा याचे लाईव्ह प्रात्यक्षिक दाखवण्यात आले.

तज्ज्ञांचा मोलाचा सल्ला: डॉ. संतोष चव्हाण (#KVKSagroli): 'एल निनो'च्या संकटाचा सामना करण्यासाठी मिश्रपीक पद्धती, रासायनिक खतांचा संतुलित वापर, फळबाग लागवड, सोयाबीनसाठी BBF पद्धत आणि पेरणीपूर्वी उगवण क्षमता तपासण्याचे आवाहन केले.

श्री. राजाभाऊ कदम (पाणी फाउंडेशन): जैविक निविष्ठांचा (Bio-inputs) वापर करून शेतीचा खर्च कमी करण्याचे तंत्र सांगितले. सौ. रामदिनलवार मॅडम (सहायक कृषी अधिकारी): एकत्र येऊन 'गटशेती' करण्याचे फायदे आणि शेतावर जैविक उत्पादने तयार करण्याविषयी मार्गदर्शन केले.

याप्रसंगी कृषी अधिकारी श्री. एल. एम. हंडे यांची प्रमुख उपस्थिती होती, तर कार्यक्रमाचे नेटके आयोजन आर्या गटाचे अध्यक्ष श्री. विश्वनाथ होळगे यांनी केले. या कार्यशाळेमुळे परिसरातील शेतकऱ्यांना आगामी हंगामासाठी मोठे दिशादर्शन मिळाले आहे. #KhetBachaoAbhiyaan #ICAR #Dapshed #ShetkariKaryashala #DashparniArk #OrganicFarming #BBFMethod #Loha #NandedAgriculture #SmartFarming Icaratari Pune